Yía una comida hoy casi estinta na nuesa vida urbana. Los cunuestros
(calostros en castellano) yeran la primeira lleche que tenía la vaca, o la cabra o l'uveya el día que pare al
xato, el cabritín o el cordeirín.
Cumo l'animal yera un rancañín ontavía y nun mamaba tola lleche, se y-sacaba una pouca pa facer los
cunuestros.
Facíanse así:
-Después de muñir la vaca poníase la lleche a ferver con ezúkeri/zucre (azúcar).
-De que puesto a ferver hay que remexelo de a feicho pa que nun s'apegue y queiden todos los cunuestros bien cuaxaos
igualines.
-Al final quedan namás los cunuestros, la parte sólida, y un caldín que yía'l suero la lleche.
Más o menos algo así:
Los cunuestros comíanse
de postre namás n’esos días de parideira, de improviso, y d’alguno siempre
acababa rellambiendo la perola.
No hay comentarios:
Publicar un comentario